ក្រោយពីចេញ AVTR ឬរថយន្ដ Alien ទី ១ ហើយ ក្រុមហ៊ុន Mercedes ថ្មីៗនេះ បានបង្ហាញ concept រថយន្ដ Alien ទី ២ របស់ខ្លួន ដែលមានរូបរាង និងបច្ចេកវិទ្យាទាក់ទាញ កម្លាំងខ្លាំង សំខាន់ជាប្រភេទរថយន្ដ Supercar ដែលប្រើប្រាស់ថាមពលអគ្គិសនី។
តាមការឲ្យដឹងពី Car and Driver ថា រថយន្ដនេះ មានឈ្មោះ Mercedes Benz Vision One-Eleven ដែលត្រូវបានរចនាចេញពីគម្រូរថយន្ដម៉ូដែលឆ្នាំ ៧០ របស់ខ្លួន Mercedes Benz C 111 ដោយច្នៃជារូបរាងបែប futuristic មានទម្ងន់ស្រាល និងកម្ពស់ប្រមាណតែ ៤៦ អិង (១.១៦ម) ប៉ុណ្ណោះ ស្រឡូនក្រាបនឹងដី ចង្កៀងមុខភ្ជាប់នឹង ប៉ាណាមុខ ដើរដោយអំពូល LED ដែលអាចលោតបង្ហាញជាអក្សរ ឬសញ្ញា ដល់អ្នកដំណើរបញ្ច្រាសទិសមើលឃើញ។
សម្រាប់សមត្ថភាពរបស់វាវិញ តាមការឲ្យដឹងពី Car Buzz ថា Vision One-Eleven ត្រូវបានផ្លាស់ប្ដូរពីប្រើឥទ្ធនៈធម្មតា មកជា supercar ដើរដោយថាមពលអគ្គិសនី ជាមួយថ្មស្ដើងថ្មី ទើបតែអភិវឌ្ឍពី Mercedes AMG និងម៉ូទ័រអគ្គិសនី high performace “Axial Flux Motor” បច្ចេកវិទ្យាពីក្រុមហ៊ុនថ្មល្បីឈ្មោះ អង់គ្លេស YASA ដែលខុសពីម៉ូទ័រអគ្គិសនី បែប Radial flux motor ប្រើក្នុងរថយន្ដភាគច្រើន ដោយវាមានទម្ងន់ស្រាលជាងដល់ ៣ ដង អាចផលិតកម្លាំងបានដល់ទៅ ១៩២០ សេះ ដែល Mercedes គ្រោងនឹងដាក់លើរថយន្ដអគ្គិសនីម៉ូដែល ក្រោយៗរបស់ខ្លួន។
ផ្នែកខាងក្នុង មានចង្កូតរាងចតុកោណ ជាមួយអេក្រង់ High Definition screen និងប៉ូតុងបញ្ជាមុខងារផ្សេងៗស្ថិតនៅលើដៃចង្កូតទាំងអស់ ជាពិសេសវាមានអេក្រង់បែប Matrix LED panel កាត់មួយល្វែងតាបឡូខាងមុខ មានកៅអី ២ ដែលបត់បែនតាមការបើកបរ ដូចជា Race Mode ពេលបើកដូចឡានប្រណាំង និង Lounge Mode កៅអីលាតសណ្ដូកមួយជំហរឲ្យអ្នកជិះសម្រាកបានពេលរថយន្ដបើកបរដោយស្វ័យប្រវត្តិ។
លក្ខណៈពិសេសមួយទៀត គឺវាមានវេនតាបែប Augmented Reality (The Magic Leap 2 augmented reality headset) ដែលអ្នកបើកបរអាច មើលឃើញរូបភាពពិតលាយប្រឌិត ក្នុងពេលតែមួយ ដូចក្នុងរឿង sci-fi ដូច្នោះដែរ។
សម្រាប់ព័ត៌មានពីការចេញលក់ផ្សេងៗ Mercedes មិនបានបង្ហើបទេ គ្រាន់តែបានឲ្យដឹងថា concept រថយន្ដក្រុម Vision នេះ នឹងដើរតួសំខាន់ជាគម្រូ ទាំងរូបរាង បច្ចេកវិទ្យា និងសមត្ថភាព សម្រាប់អភិវឌ្ឍរថយន្ដម៉ូដែលផ្សេងៗទៀតរបស់ Mercedes ទៅថ្ងៃអនាគត។
ប្រភព៖ Car Buzz
អត្ថបទ៖ Andra
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto
Highlander ទីផ្សារនៅល្អគួរសម ក្នុងរដូវកាលភ្ជុំបិណ្ឌនេះ ចង់ជិះត្រឹមស៊េរីឆ្នាំ2001 ដល់ 2003 គួរកាន់ប៉ុន្មាន?
GR Supra 2025 បង្ហាញខ្លួនជាមួយកម្លាំងក្បែរ 400 សេះជាន់មួយជើងពី 0-100/km ចាយពេលត្រឹម 3.9វិនាទី ជាមួយតម្លៃខ្ទង់ 5ម៉ឺនដុល្លារជាង
Mustang ជាឡាន Sport Car ដែលមានតម្លៃធូរ តែរូបរាងអំណាច កម្លាំងខ្លាំង បើចេះលេងថែមថយទៀត មិនចាញ់ Super Car ទេ
Chevrolet Tracker 2024 បញ្ចុះតម្លៃ 3,500ដុល្លារសល់ 2ម៉ឺនដុល្លារជាង ក្លាយជាឡានថ្មីខ្លាញ់គោតម្លៃធូរ ក្នុងចំណោមឡានថ្មីផ្សេងទៀត
BYD M6 បង្ហាញវត្តមាននៅក្នុងទីផ្សារថៃ ថ្មីៗនេះ ជាមួយតម្លៃចាប់ផ្ដើមពី ២៤ ០០០ ដុល្លារទៅ
នោះ! Toyota Cambodia នាំចូល Land Cruiser Prado 250 ជំនាន់ចុងក្រោយមកកាន់ទីផ្សារស្រុកខ្មែរ កំពុងបើកទទួលកក់ហើយ
Nissan Sentra 2025 ចេញលក់នៅទីផ្សារអាមេរិក ក្នុងតម្លៃខ្ទង់ 2ម៉ឺនដុល្លារជាងប៉ុណ្ណោះ
Hyundai Elantra 2025 តម្លៃត្រឹម 2ម៉ឺនដុល្លារស្ដើង កំពុងស្ថិតក្នុងប្រភេទឡានថ្មី ដែលមានតម្លៃធូរ